الفرق بين الغسول البشرة العادي والطبي؟

 

خل نكشف أسرار الغسلة الصحية لبشرتك 💦💁

هل قد وقفتي قدام رفوف الصيدلية واحترتي؟! كلنا أكيد 

نسال نفسنا : أخذ الغسول اللي عليه ورد وريحة؟ والا ذاك الطبي اللي كله كئيب؟😓

كثير اللي يجهلون الفرق بس اختيار الغسول الصح هو أول خطوة ببشرتك ونضارتها الواضحة

اليوم راح نكشف الفرق بين الغسول الطبي والعادي ونعطيك أسماء غسولات مجربة وأراء الاطباء ونصايح تهم كل بنت تحب تهتم بنفسها مهما كان عمرها 💙

أولا: وش الفرق بين الغسول الطبي والعادي؟

الغسول الطبي

مخصص لمشاكل معينة بالبشرة( حبوب , حساسية, دهون زائدة)

خالي من العطور والالوان الصناعية

يوصى فيه أطباء الجلدية

يوازن افرازات الدهون ويعالج الالتهابات

الغسول العادي

للغسل اليومي وريحته حلوه بس مافيه علاج فعلي

غالبا فيه عطور ومواد ممكن تهيج

تسويقي اكثر

ينظف بشكل عام بدون علاج عميق

ناخذ الحين رأي طبيب جلدية؟

" الغسول الطبي يعتبر خطوة علاجية مو مجرد نظافة لو عندك حبوب او بشرة دهنية الغسول العادي ممكن يزود الوضع سوء"

أمثلة على غسولات طبية ممتازة(مجربة مشهورة)

1. la Roche-posay Effaclar Gel

للبشرة الدهنية والمختلطة 

ينظف بلطف ويقلل الحبوب

خالي من الصابون والعطور

2. CeraVe Foaming Cleanser

يحتوي على سيراميد وحمض الهيالورونيك

مناسب للبشرة الحساسة

يوصف من اطباء كثير

3. Bioderma Sebium Gel Moussant

ممتاز للبشرة المعرضة للحبوب

ينظف بدون مايجفف

طبي وآمن جدا

وغسولات عادية؟ حلوة بس انتبهي!💋

1. Neutrogena Pink Grapefruit Cleanser

ريحته حلوة بس فيه كحول ممكن تهيج البشرة الحساسة

2. Clean and clear Morning Burst

فيه نكهات وعطور يعطي احساس منعش بس لاينصح فيه للبشرة اللي فيها حبوب او حساسية

3. Garnier Micellar Foaming cleanser

خفيف ولطيف بس مو كعلاج لحبوب او دهون

نصيحتي لك

- اذا بشرتك فيها حبوب او دهون زايدة: خذي غسول طبي بدون عطر

- اذا بشرتك جافة او عادية: اختاري غسول طبي مرطب زي Cerave

- لاتستخدمين الغسول اكثر من مرتين باليوم عشان ماتجف بشرتك

- لاتغترين بشكل العبوة او ريحتها المهم المحتوى والفايدة

خلاصة دلع اريج لك

الغسول هو مفتاح نظافة وجهك لكن الغلط في اختياره يسبب بهدلة اكثر من فايدة خليك ذكية وخلي غسيلك يعكس فهمك لبشرتك 💅